جواهر ستار التعليمية |
أهلا وسهلا بك زائرنا الكريم ، في منتديات جواهر ستار التعليميه المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى مع تحيات الإدارة |
جواهر ستار التعليمية |
أهلا وسهلا بك زائرنا الكريم ، في منتديات جواهر ستار التعليميه المرجو منك أن تقوم بتسجـيل الدخول لتقوم بالمشاركة معنا. إن لم يكن لـديك حساب بعـد ، نتشرف بدعوتك لإنشائه بالتسجيل لديـنا . سنكون سعـداء جدا بانضمامك الي اسرة المنتدى مع تحيات الإدارة |
|
جواهر ستار التعليمية :: منتدى جواهر الأدب العربي :: فحول الشعر الشعبي الجزائري |
الجمعة 21 يوليو - 18:38:55 | المشاركة رقم: | |||||||
جوهري
| موضوع: عدي ولقال كدي اجي يشوف زهرة مرتي عدي ولقال كدي اجي يشوف زهرة مرتي [size=32]بسم الله[/size] [size=32]الرحمان الرحيم ( عدي و لقال كدي اجي يشوف زهرة مرتي )) كان حتى كان و صليوا و سلموا على النبي العدنان كان في اقديم ازمان العمى يخيط الكثان و الزحاف ينقز الحيطان : هذا واحد الرجل عنده مراته محجبها ما يشوفها حد واحد النهار تافقوا عليه اصحابه و قالوا ليه اشحال تعطينا حتى نجيبوا ليك اخبار مراتك قال ليهم الا جبتوا اخبارها انقطع راسي و لا راسكم قالوا ليه واخا حتى هذا راي اتافقوا ، جا عند مراته و قال ليها راني غادي مسافر و امشى يتسنى اخبارها سدت عليها دارها هي اوخادمها ناض واحد من دوك اصحاب امشى يدق عليها جاب الشيخات و الشراب باش يقصر معها و يطل عليها ما جوبتوش و لا اعطاتو الخبار خلاتو مشوجر قدام الباب بحال شي اغريب حتى ما جاب اي اخبار ابرك جمعة في الخلا يبكي ها لينا هي دوز عليه واحد العكوزة و القاتو بارك اخمم و يبكي ابحال شي اولية و هي تسولو امالك اهذا العزري بارك تخمم و تبكي ابحال شي مراة غضبانة مهججها رجلها في هذا الخلا و انت ما تساهل هذا الغيار جوبها و قال ليها راني مخاطر مع واحد الصحاب الا شفت ليه ملراته لمحجبها يتقطع ليه راسو و لا ما طلعتش عليها حتى انا كذلك و مثال اتقطع لي راسو ابحالو قالت ليه هذه و صافي ايو اضرب ايديك لجيبك و اتيني ما تيسر من الفلوس و غادية نجيب ليك اخبارها واخا تكون في قاع البير اعطاها ما تيسر من القروش ، امشات بعد ما وراها الدار و نعت ليها من ابعيد وصلات و دقات على الباب جوبوها اشكون في الباب لتيدق على الباب يا حضار ردت عليهم قالت ليهم أنا عمت مولات الدار راه هذه مدة و سنين ما شفت بنت خويا و راني توحشتها و صارت امراة كبيرة و قلت في نفسي راه ما بقى في العمر والو و راني جيت اليوم نحيي سنة الرحيم مع بنت خويا ( و هي تبكي و ترهبن ) امشاو اخبروا لالهم في المر قالت ليهم تمشي تبعد مني انا معندي حد في الدنيا غير سيدي ربي و ازماني و هي ترمي عليها العار باش تحل ليها الباب و ملي شفتها ارمات عليها العار امرت الخدم باش احلوا الباب العكوزة ملي دخلت ابدات تتبكي بعدما عنقت المراة و ترهبت عليها باش تيق بها و قالت ليها الله يا ربي الله يا بنت خويا نصيب الموت تجيني دابة ملي شفت بنت خويا قدامي و هي تقول ليها لاواه يا عمتي برا و لباس عليك مرحبا بك عندي الا ما قدكش هذا الكتف ها الكتف لاخر بعدما رحبتها امرت الخدم ديالها اوجدوا العشا تعشاوا و تكلموا شي شوية على الأحوال و ما جرى في الدنيا و ديك الساعة جا وقت النعاس و داتها بيتها فينا تتنعس و قالت ليها زدي دخلي البيت لانا تنعس فيه ايو ملي ابغات تنعس قالت ليها راني عندي كسوة موردة كننعس فيها و نزيدك ثاني راني عندي زغبة في كتفي ليمني تتبلغ حتى لقدامي و خبرتها بأن هذه الكسوة الموردة و هذه الزغبة ما يعرفها غير رجلي بوحده ايو اصبح فاقوا من النعاس القات الخدم موجد الفطور فطروا العكوزة هزت النوضة و قالت لبنت خوها راني نمشي عندي واحد الغرض مع شي الناس قالت ليها لاواه اعمتي ما صخيت بك مدة سنين ما شفتك و ابغيتي تمشي و كما تيقولوا ضيافة النبي ثلث ايام ردت عليها ايو يا بنت خويا ما نصيبش راني موعدا دوك الناس و ما نقدرش نخالف الوعد و تتعرفي الكلمة راها روح خصني نوفي بها ردت عندك الحق فيما قلت ايو راك عرفتي داري مرة مرة جي زورني عفاك اعمتي جوبتها ياوي يا بنت خويا هذا واجب و لابد منه ايو خليت ليك الراحة و ملي اجي مول الدار بلغي ليه اسلامي بزاف قلت ليها مبلغ و خرجات و هي غادية بكل ما جات على قبله و من داك شي الرفيع تلقات مع خوينا القاتو تيتسنى فيها و دموعه على عينيه خايف من اقكيع راس قالت ليه امالك على هذا البكا ديال العيالات واش انت رجل و لا اشماتة امسح علي دوك الدموع و فرح و اسعد راني جيبة ليك لغادي خليك تضحك على داك اشماتت الرجال و غادي تفرج فيه هو لغادي يتقطع ليه داك رويس اوزايغ قدام الرجال و العيالات رد عليها كفياش اممتي اش اوقع و اجرى واش من اخبار كاينة بشرنا الله ابشرك ما احسن في هذا الدنيا ؟ قالت ارتاح لي و انشط ايو اولدي خيتنا خوات لي المزيودة و اعطاتني امرات متيعرفهم غير ارويجل و هي صافي قال لها : بصح رد عليه راني تنتكلم معك جوبها و الله الالة حتى نتهلا فيك و نزيدك الفلوس و فوق منها بوسة من فوق الراس قالت ليه واخا غير لحب خاطرك ايو اسيدي راها ملي تتبغي تتنعس تتلبس كسوة موردة و عندها زغبة في كتفها ليمني اطويلة حتى قدامها رد عليها بالمعقول اممتي ؟ جوبته واش انا تنكذب عليك راني شفت هذا بعيني ايو فرح لي و سير اضحك على داك الشماتة و خليه اقطع راسه ايو ديك الساعة امشى هذا الرجل و خبره ما عند مراته من العلامات رد عليه قال ليه اربحتني ما عندي ما نقول ليك دير بي ما يعجبك راني وعدتك بقطيع الراس امشاوا عند القاضي و احكاوا ليه الواقعة و اصدر الحكم بالقطيع الراس و شاعت الخبار في المدينة بأن مراة عدي بات عندها رجل واجا اخبارها و رجلها غادي يتصلب و يتسيف مراته ساقت الخبار ما غادي يجرى رجلها من حكم ب في ديك الساعة و الحين هزت امشات عند واحد الصياغ و امرته باش اصوب ليها كم ديال الذهب واحد و خلصاتو في الحين في لبغى من الثمن و دارتو في ايديها و امشات فين غادي اوقع الحكم على رجلها اي فين غادي تصلب و يتسيف و تغنبرت باش حتى واحد ما يعرفها شكون هي و منين و هي تتشوف رجلها رابطين ليه ايديه لور و هو على اركابيه و حاطين ليه راسه على واحد الخشبة و السياف موجد سيفه باش يقطع ليه راسه و كانت احداها ديك العكوزة حتى هي تتفرج في الواقعة بلا تعرفها شكون هي و سولتها هو مالو امسكين اش اجرى ليه هذا الرجل و غادين يسيفوه ؟ قالت ليها بانها بات عندها واحد الغريب و رجلها مسافر ردت عليها يا سبحان الله ديك الساعة اعطاوا الامر لسياف باش ينفد تقطاع راس و هي تدخل وسط ديك الحلقة لديرين باش ينفدوا الامر و هي تقول أنا بالله و الشرع فيكم إلا ما وقفوا ثلاثة المرات الا مخليوني نقول شي كلام قالوا ليها تفضلي و امروا السياف و قالوا ليه أزكى و هو اوقف باش ما يقطع راس الرجل سولوها اش ابغيتي تقولي الالة و مالك اش حب الخاطر قالت ليهم هذا الرجل اخون لي كم ديال الذهب و ها خوه و ورتهم الكم لاخر و معرفاش ابشحال تيسوى ديال الفلوس لان رجلي هو لشريهم لي و هذا الرجل كان بات عندي و ناض داك الرجل قال ليهم انا معمرني ما شفت هذه المراة و لا انظرتها في حياتي غير طيحت علي الباطل و قالوا ليه كيفاش حتى عرفتي داك شي لخبرتنا به ؟ غذا طيحتي على هذا الرجل الباطل و هو يقول ليهم هذا العكوزة هي لجابت لي الخبار بعدما اعطيتها الفلوس و مشات و دخلت عند مراة هذا الرجل من تمة شدوا الرجل و العكوزة و حيدوا الرجل من بين يد السياف و حطوا داك الرجل لكذب عليهم و نفذوا عليه الحكم بتقطاع راس أما العكوزة جابوا ليها اجمل عطاش و اجمل جيعان و تقابلهم و هي مكبلة من رجليها بحال شي ابهيمة طول الوقت و هكذا ارجع الرجل لمراته بعدما عتقاتوا من اقطيع الراس و سلطها عليه سيدي ربي حتى طال ليه عمره بعدما كان غادي يتظلم بلا حق و لا تويل و هكذا ما خبرتنا مع الواد و احنا جينا مع الجواد . نورالدين محفوظ / البيضاء عين الشق / المغرب[/size] [size=32]الثلاثاء :[/size] الموضوعالأصلي : عدي ولقال كدي اجي يشوف زهرة مرتي // المصدر : ممنتديات جواهر ستار التعليمية //الكاتب: walido91
| |||||||
الإشارات المرجعية |
الذين يشاهدون محتوى الموضوع الآن : 20 ( الأعضاء 3 والزوار 17) | |
|
| |
أعلانات نصية | |
قوانين المنتدى | |
إعــــــــــلان | إعــــــــــلان | إعــــــــــلان | إعــــــــــلان |