ا سَامْعْ القُوَالْ انْعِيدْ انْظَامِي عَلِيكْ تَقْرَا
خُوذْ الكَلاَمْ لاَ تَتْعَجَّبْ تَعْجِيبْ **** مَيَّزْ ابْعَقْلَكْ كُونْ البِيبْ
لاَ اتْكَذَّبْ قُولِي تَكْذِيبْ **** دُونْ تَجْرِيبْ
أسْغَى الذَا المْعَانِي فِي احْدِيثِي يَا فَاهَمْ التّْرَاجَمْ
جِيبْ القَلَمْ و جَرَّدْ فِي القُرْطَاسْ يَا اللَّايَمْ
وَكَّلْ الله تَعَالى ** لُو انْعِيدْ لَكْ سَرِّي وَ انْبُوحْ بِمَا فِي لَدْخَالْ
تَبْكِي عَلَى ابْكَايَا وَ اتْوَكَّلْ رَبْنَا الوَاحَدْ مَنْ وَصْفِي عَلَى الصّْحَابْ لَرْذَالْ
مَا كَانْشِي فِي ظَنِّي لَخْيَانَتْهُمْ بَعْدْ عَشْرَى
انْصَرَّفْ القَضَاء فِي امْرِي مَكْتُوبْ **** الزَّمَانْ ارْجَعْ بَالمَقْلُوبْ
المَلِيحْ يَضْهَرْلَكْ مَعْيُوبْ **** بَانْ مَغْلُوبْ
طَبْعُه عْلِيكْ نَاكَرْ بَاكْلاَمْ الزُّورْ و انْمَايَمْ
رَبِّي اوْكِيلْهُمْ يَعْرَفْ سِيرْتْ الخَلْقْ مَنْ ابْنَادَمْ
وَ الظَّاهْرِينْ بَالحَالَة ** اللِّي عْلِيهْ يَثْبَتْ قُولِي نَرْ مِيهْ بِينْ لَفْصَالْ
تَبْكِي عَلَى ابْكَايَا وَاتْوَكَّلْ رَبْنَا الوَاحَدْ مَنْ وَصْفِي عَلَى الصّْحَابْ لَرْذَالْ
أجِي انْحَدْثَكْ عَلَى الصُّحْبَة ذَالقُولْ بِيهْ تَبْرَا
اللِّي اتْقُولْ فِيهْ النِّيَة يَعْجَبْ **** جَرْبُو فِي الشَّدَة يَكْذَبْ
اتْقُولْ وَلْدْ البَقْرَة يَحْلَبْ ** غِيرْ تَتْعَبْ
بَنْيَانْ الغَدَرْ إيرِيبْ بْلاَ شَكْ يَا النَّايَمْ
وَلُو ايْكُونْ بَالقُوبَّاتْ امْشِييَّدْ فِيهْ سَلَّمْ
شَرْ العِبَادْ بَالدَّالَة ** مَبْخُوصْ ذَلْ رُوحُه الله ايْذَلْ كُلْ بَدّالْ
تَبْكِي عَلَى ابْكَايَا وَ اتْوَكَّلْ رَبْنَا الوَاحَدْ مَنْ وَصْفِي عَلى الصّْحَاب لَرْذَالْ
العَهَدْ وَ الوَفَاء وَ العَشْرَة فِيهُمْ بَاعْ وَ اشْرَى
إذَا اسْغِيتْلُو تَجْبَرْ فِيهْ امْلِيحْ **** بَالمْعَانِي وَ اكْلاَمْ افْصِيحْ
شَدْ فِي احْدِيثُو تَلْقَا الرِّيحْ ** غِيرْ تَكْلِيحْ
طَبْعِي اشْرِيفْ مَا يَتْبَدَّلْ طُولْ الدّْوَامْ دَايَمْ
مَانِي شْرِيرْ مَانِي عَاشَمْ مَا نَعْرَفْ الجَرَايَمْ
وَ القُولْ قُولْ رَجَّالَا ** نَطْلَبْ رَبْنَا يَجْعَلْنِي مِنَ المُومْنِينْ لَفْضَالْ
تَبْكِي عَلَى ابْكَايَا وَ اتْوَكَّلْ رَبْنَا الوَاحَدْ مَنْ وَصْفِي عَلَى الصّْحَابْ لَرْذَالْ
اللِّي حْبِيبْ عَنْدِي شَانُه مَعْلُومْ يَا الحُضْرَى
سَبْحَانْ مَنْ خَلَقْ فَرَّقْ فِي وَصْفُه **** لَصْبَاعْ فِي اليَدْ اخْتَلْفُه
بِينْ عْبَادُه وْ مَا تَلْفُه ** اعْلاَشْ تَخْفُوا
رَبِي عَلِيمْ بَحْوَالْ المَخْلُوقَاتْ مَنْ ابْنَادَمْ
يَعْرَفْ كُلْ مَا فِي بَالْ الإنْسَانْ يَا الفَاهَمْ
الرَّاقِيبْ ذُو الجَلاَلَة ** غَيرْ سَلَّمْ يَا المَخْلُوقْ مَنْ تُرَابْ صَلْصَالْ
تَبْكِي عَلَى بْكَايَا وَ تُوَكَّلْ رَبْنَا الوَاحَدْ مَنْ وَصْفِي عَلَى الصّْحَابْ لَرْذَالْ
رَصَّعْتْ بَاللّْغَا نَظْمِي جُوهَرْ مَا عَلِيهْ غُبْرَة
حَاشَا انْكُونْ لاَ نَدَّاعِي بُهْتَانْ **** الشِّيَاخَة رَاهِي تَبْيَانْ
هَنْدَاسَة فِي الشِّعْرْ وَ مِيزَانْ ** زِيدْ لَمْعَانْ
انْهِيتْ حُلْتِي للأشْيَاخْ بْطِيبْ النْسَايَمْ
وَ افْهَمْ الحُرُوفْ تُوجَدْنِي هَاذَاكْ شَرْطْ لاَزَمْ
فَنِي عَلِيهْ أصَالَة ** اعْشُورْ اللَّامْ وَ المِيمْ وَنَصْفْ البَاء وْ لاَمْ بَكْمَالْ
تَبْكِي عَلَى ابْكَايَا وَ اتْوَكّلْ رَبْنَا الوَاحَدْ مَنْ وَصْفِي عَلَى الصّْحَابْ لَرْذَالْ
جَبْتْ المْعَانْ فِي طَرْزْ انْظَامِي لِيكْ خُوذْ عِبْرَة
فُوضِيلْ قَالْ ذَالقَصَّة مَرْوِيَّة **** ايْعِيدْ مَا جَرَالُو فِي الدُّنْيَا
جِيبْ سَمْعَكْ وَ اسْغَى لِيَا ** خُوذْ رُوقْيَة
مَلْحُونْ مَنْ اشْيَاخْ الفَنْ وْ نَظْمُه عَلِيهْ وَالَمْ
اعْطَايْتْ الكَرِيمْ العَبْدُه وَ العَبْدْ مَا ايْسَاوَمْ
مَاهُوشْ قُولْ مَنْ وَالَا **** الله يَرْحَمُه فِي حْيَاتُه مَنْ جَابْ هَاذْ لَقْوَالْ