لسلام عليكم ورحمة الله وبركاته

مساء الخير إخواني رواد منتدى الشعر الشعبي

لجميع المهتمين بالأغنية الشعبية الجزائرية

هذا الموضوع من الأرشيف المنتدى أردت ان أعيده إلى الواجهة

والذي يحتوي على العديد من القصائد الشعبية الجزائرية

التي غناها عمالقة الغناء الشعبي الجزائري

و مازال الكثير من الفنانين الشباب يعيدها بإيقاع جديد متجدد

------

قصيدة : غير خليني نروح ، للمطرب الشعبي والشاعر المتألق المرحوم سيد علي لخام
وهي قصيدة عاطفية جدا

غير خليني نروح

غير خلينبي نروح وانساي اللي فات ياك الماضي مات راح ونارو طفات

يلعنها ساعات تلعب ببن آدم تفكرني الحياة في بعض الأوقـــــات

مليانة دمعات
غير خليني نروح

غير خليني نروح ما بقالي حنان والحلم اللي كان ضيعتو بكري

كنت عليك لهفان وأنتيا عمري خدعتيني بالآمان ودفنتي صبري
أغلقتي البيبان وافتحتي قبري
غير خليني نروح


بعد سنين وسنين تفكرتيني اليوم كي فاتك الوقت وافطنتي من النــوم

احسبتي لإيام شادة عليك تدوم كي كنتي كالقمر مابين النجـــــوم

وانا نحلم بيك بيك مسلوب ومغروم كي لعبتي بيا بقيت في هواك نعوم

يا حسرة كي كنتي ، واليوم واش وليتي
مضغاتك لإيام وارماتك عندي
غير خليني نروح


تهدري على الحب اللي دفنتو بكري نساتو الفصول نارو في صدري

ابكيت عليه دمعات وليالي سهرات وآنايا سكران بالحب اللي مات

وكي يطيح الليل نتقلق ونخاف يرجع نومي قليل نشعل الشمعات

قلتيلي كلمات زعزعتي فكري
وانا نأمن بيك يا بلية صغري
غير خليني نروح


غير خلينبي نروح ما نزيدشي نهدر كي نهدر ننضر ننضر كي نشكي

كي نشكي نسهر يوجعني قلبي ويطلعلي المر ونبدا نبكي

كي ما عندي الزهر قلت ننسى تعبي
قلبي منك ولى حجر والشكوى ليك ربي
غير خليني نروح



أنا ما بقيتشي العبد انتاع بكري يطيعك ويبغيك ويبوسلك يديك

أنا قلبي مات ومعاه ذكريات و في بعض الأوقات حاير بعمري

ضاقت بيا الأرض ما لقيت وين نمشي ما عندي ما ندير ماكان ما نشري

فصل الربيع خلاص وانتي ما تدري
عياتني الدنيا واداتلي صبري
غير خليني نروح



قصيدة : عليك الهنا والضمان للشاعر ، سيد المجذوب


عليك الـهنا والضمــان ما نزيد نديرك في بالــي

ما نزيد ندير فيك الأمـان يااللي ضنيتك غزالـــي

عاهدت نفسي في د الزمان وعظمت الله العالـــي

ما توجدي حتى إنســان يشبهلي ويكون بحالــي

لو تقطعي بحور وويــدان ما تزيدي تشوفي خيالــي

بيت:

ما تبقاشي خلاص المكتوب نصيبك بيدك قطعتيــه

قطعتي كم من ثوب وثوب وخنت الملح اللي كليتيـه

كنت ضانك أنايا محبـوب شربتي في كاسي وبدلتيـه

خلفتي قلبي معطـــوب الشر اللي درتيه اتصيبيه

بقدرة علام الغيـــوب يجرالك اللي جرالـــي