ذي رسالة ياك من اهنا

وسطورها محبة من اسنة

واصلة حبابي كيف تتسنا

وحروفها تجلب كل هنا



راها تصالح كل من اجفا

وتقرب لبعيد للي فخفا

لعليل من ضرو راه يشفا

من قلبنا ليه رحمة ورافة



خلات من يشكي لشمعة

يبكي وناسي حر الدمعة

يعطي ويزيد صورة لمعة

ينسى الحركة ينسى الدمعة



يمسح من بابو سر ضباب

يعلى لعقل يرجع لصواب

راه ينسى جفا وشكا لحباب

يرجع لجمع يطوي لكتاب



غير كون ياشاعر كون علام

غير كون حكيم من اهل سلام

وصل لينا وصل انغام

شهدالحب وحلاوة لكلام



ماتكون لصهد طعم يذوبك

ماتكون لخصام شريك يلوبك

خلي شهد الكلمة يصوبك

والسامعين يلبسوا لون ثوبك