جيت اليوم باش نوريلكم اهم الاشياء راح تتعلموها كي تطلعو الجامعة

والي طلعو ام علبالهم بيها

راح نبدالكم بريستوsample image

الرستو يا ريستو ما درتي بي

اول ما نقوللكم الريستو واش يجي في بالكم

تكوفير والدزان **باه تاكل بطاطا مالحة ولا حمص مش طايب **sample image

وهذا يعلمك الاقتناع تاكل اي حاجة

من بعد نتوجهو الى اللونفيات مدايرين فيهم كليماتيزار والفورنوات

في الشتاء ما يشعلوش فاسدين

وكي يجي الصيف يعدلوهم** هنا مخك يحبس **sample image

الدنيا ماشية بالمعكوس عندهم

ايه نروحو الاقسام

يكتبولك على باب القسم **ممنوع دخول الطلاب دون دخول الاستاذ**

يلقاو طفلة هي وصحباتها يشايخو ويقراو وحدهم في الكلاسة يديرولهم رابور بويسك ماهوش معاهم الاستاذ

يلقاو لي كوبل وحدهم يخليوهم كي تقلهم علاه يقلولك يعرفو صلاحهم

ايوا سما حنا نرضعو في صبعنا سما هذه معلومة جديدة

يعلمونا الانحراف التام

ايه خليونا من الاقسام نروحو الادارة

روح يا زمان روح

باه تروح الادارة يحبللك

تقول رايح تقابل الرئيس بوتفليقة ولا الوزير سلال

كل ما تطلع اتاج باش توصل الادارة يسقسيوك واين رايح واش اسمك واين تقرا

سما كل اتاج لازم ديرلو رابور تكتب

فيه سيرتك الذاتية وما تنساش بطاقة التعريف الوطنية

وهذا الشيء يعلمك الصبر ويعطيك ذاكرة قوية

يعني كل خترة تعاود في نفس الهدرة تحس روحك كي شغل بيروكي



تطلع الادارة تقلهم ديرولي شهادة مدرسية

الي تهدر معاه يقللك ما تهدرش معايا انا

ماهيش خدمتي ** زعما خدمتي هذي **

وهك تبدا تتخلط الاسلاك في مخك ويبداو وذنيك يزفروsample image

ويعود فمك قاموس انتاع المصطلحات الغابية

وهكا تكون تعلمتي ردان الهدرة وتطياح لقدر

نروحو ذوركا لاهم حاجة في الجامعة النقاط الي نديوهم

نهار لافيشارج غير 0 و1 الي يخبطو

والي دا فينا 7 و 8 عدنا نقولو عليه ربي بارك

وهاذ الحاجة تعلمك التواضع

في الاخير ما تجي يكمل العام حتى تعود تمشي وتهدر وحدك

وواذا ما مرضتيش بالسكر ولا لاطونسيون تكون من المحظوظين

***

انا نقلكم في امان الله

هاو ليكم اصحاب الباك واش صاري في الجامعة باش كي تطلعو ما تتشوكاوش

وانتوما صحاب الجامعة ديزولي قستكم في الجرحsample imagesample image