سلطة روز هاااااااااااااااايلة

---

السلام علبكم حبيت اليوم سلطة زور بنينة وخفيفة مع الصيف و السخانة و رمضان

المقادير
1 كاس روز مغلي في ماء+ملح ومقطر مليح من الماء
1 طماطيش كبيرة او 2 متوسطين مقطعة مكعبات صغيرة (ننزع الزريعة و نقطرهم على ورق ماص قبل ما نقطعها)
4 فلفل حلو مشوي و مقطع مكعبات
3او 4 حبات جزر منقية و مسكرفجة في الجهة الخشينة من السكرفاج
زيتون اسود مقطع
2فصوص ثوم-1/2 فنجان زيت زيتون-1/2 فنجانزيت عادي-عصير ليمون-ملح
مايونيز
الطريقة
نخلط الروز+الفلفل الحلو+الطماطيش+الجزر ونخلط مليح ثم نخلط في وعاء الثوم المفروم+زيت الزبتون و الزيت العادي+ الملح نضربهم جيدا بفرشيطة ونضيفهم على خليط الروزثم نضيف الزيتون الاسود وتقدم وتزين بالزيتون و المايونيز
شفتو شحال سااااااااااااااااهلة
ملاحظة كمية الليمون و الزيت عينك ميزانك ذوقي وشوفي واش ناقص زيدي
نتمنى تعجبكم وتدعولي من قلوبكم حبيباتي
نخليكم مع الصور واسمحولي نسيت ما صورتش خطوة التتبيلة