شيلديريك الاول




شيلديريك الاول (اتوفى سنة 481 م) من سلالة ميروڤينجيين و ملك الفرانكس السليان و ابو الملك كلوفيس الاول.مسك الحكم بعد ابوه ميروڤيتش(ميروفيوس).

مسك الحكم فى منطقة تاكسوندريا ( جزء من بلجيكا , هولندا دلوقتى). حارب مع الرومان فى سنة 463 و قدروا يمنعوا هجمات الفيسيجوث

و كمان شارك مع الرومان فى صد هجمات قبايل جرمانيه تانيه على منطقة الغال اللى تحت الحكم الرومانى.اخد القاب و شوية نفوذ

و شرعية على منطقة تاكسوندريا من الامبراطورية الرومانية كمكافأة له على مساعدته فى حروبهم.



خلعه و رجوعه للحكم

بالرغم ان شيلديريك جاب اراضى و نفوذ للفرانكس السليان و كان الناس بتحترمه كمحارب بس الفرانكس ثاروا عليه و خيروه ما بين القتل او النفى,

بسبب علاقته الكتيره مع ستات و اللى كانت مرفوضة من الفرانكس, و قدروا يخلعوه من الحكم و يتنفى بره مملكته. قبل ما يخرج

من البلد ادى لواحد صاحبه نص عملة دهب و اخد النص التانى معاه و طلب منه يبعت له النص بتاعه لما الظروف تتغير و يقدر يرجع تانى.

شيلديريك فضل فى المنفى 8 سنين و اتجوز من باسينا بنت ملك ثرنجيا اللى كان مقيم فى مملكته, لحد ما الظروف اتغيرت بسبب احساس الفرانكس

بسيطرة و قوة نفوذ الرومان عليهم لما شيلدريك اتنفى و خوفهم من مسح هويتهم و حسوا انهم محتاجين

شيلديريك كملك تانى و رجع مع مراته باسينا و اترحب بهم.





موته و قبره


مات شيلديريك فى عاصمته تورناى سنة 481 و ساب الحكم لابنه كلوفيس الاول اللى قضى على نفوذ الرومان على الغال

و حكمها بعد كدا.اكتشفوا قبر شيلديريك الاول فى منطقة فى يوم 27 مايو 1653 و لقوا فيها ممتلكات دهبية و سيوف و لبس

قائد فى الجيش الرومانى و الخاتم بتاعه اللى كان مكتوب عليه "ملك شيلديريك الملك".للئسف الكنوز اللى كانت فى مقبرة شيلديريك

اتسرقت من المتحف اللى كانت فيه فى 5-6 نوفمبر 1831 و الحراميه سيحوا الممتلكات عشان الدهب و منجاش من

ممتلكات شيلديريك الا ممتلكات بسيطة من الكنز الاصلى.