......ضياق الجال......
مرارت عيشتنا و ايامنا اسوادو

ولا الهوا يتحكم فينا و البلا ساد
ديورنا مكشوفة و حصونا نهدو

راحت و تقطع ثوب لسياد
السفينة تلفت و لمواج زادو

ضاعت البوصلة حتى دليل ما فاد

تفاهمو لقوام على دينا و كادو

يعد ما شعلت في لدخال نار لحقاد
فرقو لمتنا نهبونا و صدو

واش باقي لينا كي ضاع ارث لجداد
وين اهل الصولة ما فطنوش رقدو

طيورنا هجرونا وغزانا الجراد

ازمان الكشفة لرذال فيك سادو

والكريم اتخزى و تعزو الاوغاد
شغت فيك الظلم تعدى و فات حدو

والحقوق انتكلت جهرة و عم لفساد

شفت تراس ارخاس بعد .ن.قل جهدو

عاد يرجى موتو طال عليه لسهاد
وشفت جاهل سافل ولا الحكم بيدو

صار يامر و ينهي و يقود لعباد
ومول لعقل هبل ضيع واش عندو

راه يهدر وحدو ولا حديث ينعاد

مادرينا هاذ القوم منين وفدو

عمرو الفجوج علينا طاحو كيف لجراد
جراو للحاكم رشاوه فيه شدو

متنو ركازهم وهدو ركان لبلاد

تغيرو معالم الكون و لفكار شردو

مابقات مواسم جينا فميعاد
الربيع ارجع صيف والشتا قل بردو

والعناصر نشفو والبنيان فالواد
وفالربيع النوار افتح قاع وردو

لا فرق توجدو بين حلول و حساد

واش هذا دجال غزانا بجندو

ولا القضا والقدر احكم هكذا راد
حديث نبينا محمد حق وعدو

مابقا فالحالة تحقيق كثر الزاد
ا المولى لبواب علينا نسدو

غير بابك بافي لينا غيث لعباد
ولا تواخذنا بذنوب من طغاو عمدو

بجاه نبينا محمد سيد لسياد