حكمت الطير بتكة الحرير

ماضنيته يطير بعدما والف

خلى قفصي وعمر قفص الغير

وقعدت انا نمشي في البحور تالف

هامل تالع لا كيفاه ندير

لا سواري لا قلاع لاوجدت مقاذف

شوف الدنيا كفاه تسير

هذا الزمان يعطي ويخالف

طيري راه عمد يطير

وخلاني نتعذب ماني شايق

وعلاه عليا تتكبر ياطير

بعدما ربيت عليك الولف

عيب وعار هاك فيا تدير

وقعدت انا غير نساعف

خلاني وحيد في يوم عسير

نبكي دموعي هوطالة ماتنشف

هجرني وهجر الدار للجير

مارجع ماخاطرو تكلف

ماعد ينفع اللوم قا تكعرير

طيري غادر عازم وحلف

من يوم طار مانيش بخير

ياربي نترجاك بيا تلطف



ب بقلم فاطمة شلف