ه داري بعبادو

داري بالصالح مالعبد المشرار

ذالعبد الضعيف هازلين عضادو
مايسلك ذ العبد غ فعال التنوار
واش الحيله يا راسي ك نبدو
نبدوها بمديح طه بولنوار
نمدحو بوفاطمه وجميع ولادو
والصالحين الكل ولي ليهم جار
عل ذ المديح يشفع ك نغدو
و نصيرو جميع قدام الغفار
يوم ماينفع مال حد ولا ولدو
غيرلي دارو في كتابو بالتسطار
لا دار الحسنات يفرح بزادو
لادار الواتيه يطلب الساعه توخار
يترجى مالله لوكان يردو
و يصحح غلطات عملهم بجهار
ذاك النهار مايسلك ند من ندو
مايسلك غتاب لسانه منشار
كل لي مظلوم يقتص من عندو
يرجع فارغين يديه صفار
مابقى غير حاجه يرجاها سعدو
يرجى في شفاعه نبينا المخطار
صلى الله عليه قدما نوارو زادو
وسلام عليه قد الفلك وما دار
من صلى عليه ينال مدادو
من نكر صلاته لابخيل و نكار
من بدا بصلاته لاحاجه تكودو
يقضي مقصودو ميسر لاتقصار
مفتاح النبي لا مفتاح بعدو
المفتاح صلاته تقضي كل وطار
فازو بيها الصالحين لي كدوا
وصلاو عليه الليل مع لفجار
صلاو بالظهور والوقت لي بعدو
وصلاو حتى الشمس تغيب تصفار
منهم لي غرام النبي صهدو
مالشوق باح بالمحبه جهار
منهم لي دمعتو جرحت خدو
كي يتفكر فالنبي واش لي صار
يتمنى لوكان كان على حدو
ويقطع ريوس هاذوك الكفار
منهم لي جالسوه حين لي رقدو
ك يفطنو مالوحش دنيتهم تمرار
منهم حباب ربي لي هما وتادو
شافوه فاليقظه بحقيقه لنضار
كلها وشاف النبي قد رصيدو
ونا راني راجي دالتي يا حضار
اطلبو ذ العبد يبلغ مقصودو
لعل يبرد بشوفته صهد النار
صلو على حبيب الله و عبدو

صلى الله عليك يا قرة لبصار