شمعتي يالناسية وحزينة

راك قدامي وفين الحيلة

محروقة شمعتي وسخينة

ومضحية شمعتي وعليلة



اصديقتي وطول الليل ناسية

بدموعك مكلماني نتيا

جنبي ومفيقاني ناهية

وتقولي بلسانك ليا



ودموعك مرسومة فالدات

راها مصورة لالة باينة

زايدة تنهيد زايدة دمعات

را حزانك في لعماق كاينة



محكوم عليك ياك في لقدار

وبغاك مكتوبك كيف ندير

صبارة وصبرك في لسرار

اموهبة حياتك يا ك للغير



عمرك هذا غادي وساير

وتقطعي فالقلب يالباكية

وحضورك يالشمعة طاير

عالمة عارفة بلي فانية