.من الناس وماهيا كالناس

عايشة وحدها في الافلاس

ام ماعندها والله احساس

ومدوخة حبابي هذا الراس

ماعندها راحة ول نعاس

را تايهة ومسافرة بلى ساس



ظنيتها ياسيادي هبلة

فعماقها حاملة نار وبلة

في زيتها وراها كاتقلى

غدارة متعرف قبلة

ماتزهار اوراقها ذبلة

كل مرة عايشة في خبلة



هاربة م الواقع بحكايات

انهيتها منها ماتنهات

را كل مرة مسطرة بلايات

را هذي هيا وفين وصلات

بعقول الناس راها لعبات

وتحدات حدودها تنسات



تتكلم وتقول كل كذوب

ماتراعي رحمة هذ لقلوب

ناسية وعايشة في سر لعوب

راها تسبح ف بحر اذنوب

هكذا هي وقلبها مسلوب

عايشة وخالقة كل يوم كذوب